قصه اعجبتني ونقلتها لكم

همساااااات · #1 07-03-2009, 05:21 PM

قصه ذكرها احد الاخوان

يقول في احد الايام اوصلت زوجتي عند بيت اهلها هي وبناتي
وقالت لي بنام عند امي اليوم يالله عشان تفتك مني شوي
فعلقت على كلامها ضاحكا افا عليك انتي الخير والبركه والبيت من دونك مايسوى
وانا في قرارة نفسي اقول ( يالله الحمد لله بتنام عند امها كابسين علي في البيت خليني اخذ وقت مستقطع وراحة شوي (

رحت للبيت
وطبعا البيت فاضي زوجتي وبناتي عند امها
دخلت غرفة النوم
وتنهدت تنهيده عميقه وقلت الحين الواحد يغط في نوم عميق بلا رجه هالبنات اللي ناشبين لي تبكبك في انصاص الليالي

يقول قفلت الانور
وحطيت راسي على المخده وانا احس اني مبتسم من الراحه
المهم
شوي وانا خلاص متعمق في نومي الا اسمع ذاك الصوت اللي حسيت ان قلبي راح وطي معه
صوت قوي
داخل الغرفه
ويضحك ضحكه غير طبيعية
يقول حسيت وربي اني من الخوف بطيح على وجهي

يقول تمالكت نفسي وطحت وتعثرت لما اوصل للنور عشان اشغله
وفعلا
بعد جهد جهيد وايادي ترتعش والضحكه تتوالي بشكل هستيري
فتحت النور
طالعت في الغرفة مالقيت احد
نظرت في الاسفل
الاواشوف هالمنظر !!

دميه لااحد بناتي هدفها في الواقع هوالضحك لااقل ولااكثر
واطالع فيها بحقد
وربي كرهتها من قلبي هاللعبة
وافتح الشباك وارميها بعد ماكسرتها من الدور الثاني
عشان اشفي غليلي فيها
يقول بعدها طيرت النوم من عيني
خلتني اضرب اخماس في اسداس
خلاص ماعاد اقدر انام واطفي النور
شوي اتصلت على زوجتي
قلت لها صاحية قالت ايه
قال والله ماجاني نوم اشتقت لكم >> ابو النصب كله !!
ودي اجيك الحين واشيلكم
قالت طيب
يقول جبتهم البيت
وانافيني خوف للحين ماراح
يقول قلت لها بتنامي قالت لا
قال خلاص اجل انا عميان نوم
وانتي وبناتك اجلسوا في الصالة لماتنامون
ناظرت فيني زوجتي بنظرة حادة
وقالت طيب اذا بتنام ليه جبتنا من بيت امي !!
قال مااقدر انام وانتم بعيدين عني قلبي يعذبني

يقول وصكيتها نومه وصحيت وانا الحمد لله على مايرام

ومن بعدها قررت ماانام لوحدي في البيت اطلاقا

وبعدها علق واحد وقال ياجماعه
ترى الجن تدخل في الالعاب هاذي اياكم تخلون لعبة في البيت بهالشكل
والله انها خطره عليكم لانها راح تنقز بلوف قلوبكم لما تشوفونها تتحرك بشكل غير طبيعي بالبيت ولااحد راح يشغلها ولاشي تشتغل من نفسها !!

لاتدخل الملائكه بيت فيه صوره
فالاولى مانترك اللألعاب والدمى في غرف الاطفال

مع تحياتي

Cap.Ss. · 07-03-2009, 07:34 PM

والله كلامك عين العقل بس الصغار كيف الواحد يمنعهم وهم من عشاق الالعاب الغريبة او التي لها اصوات مهما كان نوعها,,,,
يعطيك العافية عاشقة

دوسريه والعز ليا · 07-04-2009, 04:24 AM

اي والله صدقتي اختي ,,

لاهنتي على القصه الرائعه ..

تقبلي خالص شكري تقديري ,,

سفانة الشرقيه · 07-04-2009, 11:28 AM

يعطيك العافيه اختي عاشقة السليل

لاتدخل الملائكه بيت فيه صوره

جزاك الله خير اختي على التنبيه
الله لا يحرمنا من مواضيعك

مشاري آل مسيب · 07-12-2009, 02:03 AM

يعطيك العافيه يابرفسورة المنتدى الاستاذه عاشقة السليل قصه رائعه
وتعليقي مثل الكابتن سهم كيف نقدر نمنع الصغار الي ماستغنون
عن الالعاب
تقبلي مروري لك أخوك مشاري

همساااااات · 07-13-2009, 06:04 AM

أشكر الجميع على التعليق
ردا على سؤال الكابتن سهم والاخ مشاري
أكيد مانمنع الاطفال من الألعاب لكن نقدر نبعدها عن غرفة نومهم في غرفه اخرى
او -كما ذكرت لي احد الاخوات -توضع في صندوق للألعاب مغلق او خزانه غير مكشوفه..
تحياتي للجميع...